اول يوم عمل
دلوقتى هنعرف ايه اللى هتعمله فى حالة حصولك على وظيفة جديده
كتير مننا بيبقى محتار يعمل ايه لما يروح وظيفة جديده يبدء شغله ازى ! يتعرف على زمايله الجدد باى طريقة !
وفى كتير بيبقى مستنى اليوم اللى يروح فيه شغل جديد بس بيبقى مش عارف يعمل ايه فى اول يوم عمل.
لازم طبعا تترك انطباعا جيدا عنك عند البدء في العمل الجديد وتقدر تكسب ثقة مديريك وأصدقائك من اول يوم عمل لك.
وده بيتم عن طريق انك تتخلص من اى قلق عندك وتبقى هادى اول يوم ليك وبلاش تفكر فى اى حاجه تدور فى دماغك بخصوص زمايلك فى العمل ونظام العمل .
طيب تعالى نتعرف على النصائح والخطوات اللى لو اتبعتها هيكون اول يوم عمل جيد وايجابي واضافه ليك وهنعرف الحاجات اللى لازم تبعد عنها منذ اول يوم (خليك فاكر ان الانطباعات الاولى تدوم):
- لازم تبقى منضبط في المواعيد الخاصة بالحضور والانصراف عشان بيدى انطباع عنك انك شخص منضبط ويمكن الاعتماد عليك .
- خليك واثق في نفسك بس متوصلش لزمايلك الجدد انك مغرور، واول يوم عمل بتبقى بملابسك التي لابد أن تكون كلاسيكية وعملية ، وطبعا تبقى مكويه ونظيفه وبكده هتبقى وائق من نفسك قدام زمايلك الجدد .
- اول يوم متسالش كتير وتاخد كل تفصيله وخليك عارف انك مع الوقت هتعرف كل حاجه فى المكان ،عشان محدش ياخد عنك أنطباع انك شخص كثيرا السؤال وكثير الكلام .
- لازم تظبط مع مديرك المباشر ال resources اللى هتشتغل بيها زى اللابتوب وايميك ومكتبك وهكذا.
- بلاش تبدء اول يوم ليك بالضحك والفكاهة وخلى الانطباع الجدى واضح عليك مع زمايلك الجدد ،طبعا كل حاجه بتبقى فى حدود المعقول يعنى متبقاش جد جدا لدرجه انك تبقى عبوس وبرده لازم تبقى عارف ان الضحك والفكاهه ممكن تلجىء فى حدود المعقول مع زمايلك بس مع مرور الوقت وده عشان متحسش ان ساعات الشغل عصيبه عليك .
- فى حاجه مهمه تاخد بالك منها انك تبنى علاقات طيبه مع زمايلك فى المكان وبلاش تسمع لاى حد يقولك تكشر فى وشهم طيب ده هيفيدك فى انك توسع دائرة علاقاتك وهيدى انطباع كويس جدا عنك بالنسبه للاشخاص.
- لازم تحترم اراء كل الناس فى المكان الجديد ومتظهرش انك جاى عشان تغير فكرهم اللى مش ناجح وخليك عارف انك هتنجح بزمايلك الجدد .
- قم بالبحث على الانترنت عن المكان الذي هتشغل فيه، حتى تكون على دراية كاملة بما يدور فيه .
- متبقاش متسرع وتبقى عاوز تضغط نفسك فى الشغل من اول يوم , الشغل سيأتي مع الوقت وسيثقون في قدراتك فى المكان
خليك مركزانك تعرف وتتاكد من شوية معلومات وهى :
- اعرف الوصف الوظيفي Job description لمهمتك الجديده التي عليك القيام بها،وتعرف كويس اللى مطلوب منك عشان متبقاش مقصر فى حاجه قدام .
- متسمعش من طرف واحد فقط ومتبنيش رايك عن الشركه او اى زميل ليك بناء على راى شخص واحد فقط فى المكان ولكن عليك ان تسمع من اكثر من شخص ومع مرور الوقت هتكون وجهة نظرك بنفسك سواء عن زمايلك او الشركه ، فبلاش تسمح لشخص واحد ، ولا تجعل أحد يؤثر عليك، ولا تتسرع فى الحكم على احد.
- خلى معاك مفكره صغيره تسجل بها الملاحظات الخاصه بيك ،وتسجل فيها اى سؤال يدور فى بالك ، حتى لا تنساه، وطبعا خليك فاكر انك متسالش كل الاسئله مره واحده (خد وقتك).
- طبعا اى بيئة عمل هتلاقى فيها مشاكل فى البدايه فخليك بتدور على الايجابيات ايضا مع السلبيات عشان متحسش انك متضايق من نقلك للمكان الجديد .
طيب دلوقتى هتتجنب ايه فى اول يوم عمل :
- بلاش تمسك الموبايل كثيروتتكلم فيه كتير .
- تجنب التحدث كثيرا مع زملائك الجدد ، وركز على المطلوب منك فقط في اول يوم عمل.
- بلاش تمشى من شغلك بدرى عشان ده هيدى انطباع سىء عنك ويطهر انك مش حابب المكان .
- بلاش تشتكى من اى زميل او من مديرك نهائى قدام حد فى الشركه عشان كل حاجه بتوصل وبتعمل مشاكل
- امورك الشخصيه هى خاصة بيك فقط فبلاش تحكى لأحد عن أمورك الشخصية.
بالتوفيق للجميع فى مكانكم الجديد