ازاى انجح فى شغلى ؟
دلوقتى هنقدر نعرف ازاى تقدر تنجح فى شغلك وتبعد عن اى مشاكل ممكن تواجهك فى شركتك
عايز تنجح في شغلك صح
شوية نصائح مقدمه ليك تقدر تتبعها وهتفرق معاك اكيد
- اوعى تستنی كلمة شكرأ من من اي حد من زمايلك اومن مديرك بمعنى انك تعمل اللى مطلوب منك من غير ما تنتظرشكر .
- المقارنات بتخلق صراعات ملهاش اي لازمة وعشان كده ماتقارنش نفسك باي شخص - دايما .
- اتاكد دائما من حاجه مهمه جدا وهى ان ربنا مش هيضيع تعبك ابدا .
- بلاش تبص فى مرتب حد واوعى تقول ده مرتبه اعلى وانا اقل وانى بشتغل اكتر منه- انت رضيت تشتغل بالمرتب ده فملهاش لازمة المقارنة .
- لو زميلك مش بيحبك أو فى مشكلة شخصية مع حد معاك في الشغل او مديرك متضايق منك وفى مشاكل معاه اوعي تنسحب من مكانك و تاخد قرار انك تمشي من الشغل وخليك عارف كويس جدا ان ( كل حاجة بتاخد وقتها و بتخلص ) يعنى كله بيعدى
- ( الشغل احسن من الكلام )خلى المقولة دى دايما قدامك فركز في شغلك احسن
- بلاش تحكي مواقف شخصية او اي حاجة شخصية في الشغل خلى مكان الشغل خاص بالشغل
- كتير هتلاقى ادارات عاملة احزاب وكل اثنين او تلاته بيجاملوا بعض على حساب الشغل ملكش دعوه بيهم .
- لو لقيت شخص فاكر نفسة علامة عصرة و مش بيقبل وجهة النظرالاخرى طبعا بلاش تدخل في مناقشة معاه هتضيع وقت على الفاضى .
- لو انت شايف أن مرتبك قليل و العائد الشهري ضعيف هتعمل حاجه من الاثنين يا تقدم طلب زيادة -يا تشوف فرصة تانيةفى مكان تانى ومتسيبش مكانك الا لما تلاقى فرصة احسن طبعا المهم انك متقعدش تقول شركة ظالمة وتفضل قاعد پالسنين بتتكلم و خلاص (ده فشل ) .
- كل فتره لازم على الأقل تعمل إنترفيوعشان تشوف السوق وصل لایه و ثقتك في السوق و تعرف عيوبك وتطور نفسك
- احترم شغلك و ما تقللش منه .. لازم تبقى شايف إنك مهم .. سامعني ؟ .. إنت مهم ولو لقيت ادارات بتحاول تظهر ان ادارتك مش مهمه ملكش دعوه بيهم واعمل المطلوب منك وخليك عارف ان لو مكانك مش مهم مكنتش هتبقى فى الشركه من الاساس .
- اوعى تفضل تسقف و تهلل لاي حد مش مقتنع بيه وتعمل كده عشان انت خايف على اكل عيشك .. صدقني بقى رزقك في ايد ربنا
- لو لقيت مشكله فى العمل طبعا وانت بتقدمها لمديرك لازم يبقى معاها حل من عندك وده هيبقى كويس جدا ليك فى رؤية الاداره ليك
- احترامك لنفسك معناه احترام الناس ليك - اوعي تدی حد اکتر من حجمه في اي حاجة
- بلاش تهزر وانت فى الشغل عشان ميتاخدش عنك انطباع مش كويس مش معنى كده انك تبقى كئيب بس خليك معتدل
- مفيش حاجه بتتعمل بالزعيق لو حصلت معاك مشكله مع زميل متردش عليه عشام متضيعش حقك و خلى الموضوع يمشى رسمى معاه
- متعملش مشاكل مع زمايلك فى الشغل عشان انت بتقضى معاهم وقت اكتر من اللى بتقضيه فى بيتك تقريبا وده عشان متبقاش متضايق وانت داخل شغلك
- خليك ملتزم بمواعيد العمل وبزيك الشخصى الخاص بالعمل عشان محدش يتكلم معاك
بالتوفيق للجميع